प्रिय विद्यार्थी मित्र व पालकवर्ग 

आपल्या सर्वांचे यशोदीप अकॅडेमी च्या संकेतस्थळावर स्वागत. ५ वर्षापूर्वी आपल्या सर्वांच्या साथीने सुरु केलेल्या प्रवासात एक नवीन वळण घेऊन आम्ही आपल्या सेवेसाठी हजर झालो आहोत. .विद्यार्थ्यांच्या प्रगतीसाठी अत्यंत आवश्यक असलेला पालक व क्लास मधील संवाद अधिक सुकर करण्यासाठी आम्ही नेहमीच प्रयत्नशील असतो. वेब व मोबाईल तंत्रज्ञानात झालेल्या सुधारणांचा फायदा घेऊन आम्ही एक नवीन सुविधा पालक व विद्यार्थ्यांसाठी सुरु करीत आहोत. विद्यार्थ्यांची माहिती, त्यांची क्लास मधील उपस्थिती, क्लासेसचे व परीक्षांचे वेळापत्रक, वेगवेगळ्या परीक्षेतील त्यांचे गुण ही ह्या संकेतस्थळावर बघता येईल. ह्या संकेतस्थळावर  आपणास दिलेल्या युजरनेम आणि पासवर्ड ह्यांचा वापर करून उपलब्ध केलेली माहिती बघता येईल. नेहमीप्रमाणेच आपल्या सहकार्याची व पाठिंब्याची खात्री आहेच.

JEE , NEET, CET तील परिणामकारक निकालामुळे आपल्या क्लासेसची नाविन्यपूर्ण ओळख होऊ लागली आहे. तसेच ग्रामीण भागातील मुलांना या स्पर्धात्मक परीक्षेचे महत्त्व समजावून त्यात त्यांना भव्य यश मिळवून देण्याचे आमचे ध्येय आहे.

या यशामध्ये गेली कित्येक वर्षे क्लासच्या प्रत्येक कार्यक्रमा मध्ये हिरीरीने आणि तळमळीने भाग घेणाऱ्या माझ्या सर्व सुपरिचित सहकारी शिक्षकांचा सिंहाचा वाटा आहे . त्याचबरोबर वर्षानुवर्षे वर्तमानपत्रातील जाहिरातींपेक्षाही आमच्यावरील दृढ विश्वासाने क्लासचे नाव पुण्याच्या कानाकोपऱ्यात पोहोचवणाऱ्या दक्ष पालकवर्गाचाही मी ऋणी आहे.